माझे DIGITAL SCHOOL चे स्वप्न

सध्याचे युग हे तंत्रज्ञानाचे युग आहे. प्रत्येकाला Android Mobile चे वेड लागले आहे. लहान-मोठ्या सगळ्यांची बोटे Android च्या टचस्क्रिनवर फिरायला लागली आहेत. विशेष म्हणजे मोठ्यांपेक्षा लहान मुले अगदी सफाईदारपणे Touch Screen हाताळतात. मुलांच्या विशेष आवडीची गोष्ट म्हणजे Games आणि Music / Videos. मुलांच्या हाती एकदा मोबाईल लागला की, तासन् तास अगदी एकाग्र होऊन मोबाईलशी खेळत असतात. हे चित्र फक्त शहरातच नाही तर खेड्यातही अगदी सर्रास दिसू लागले आहे. अशावेळी त्याला 'पुस्तक-वही घे आणि अभ्यासाला बस..' असे आपण सांगितले तर त्याची नाराजी त्याच्या चेहऱ्यावर स्पष्ट दिसून येते. अभ्यासाला बसायचा आपला उपदेश जरी त्याने नाईलाजास्तव ऐकला तरी अभ्यासामध्ये त्याचे मन किती रमेल याची आपण कल्पना करू शकतो.

मुलांच्या Touch Screen च्या वेडाचा आपल्याला अभ्यासासाठी उपयोग करून घेता येईल का ? मुले मोबाईलमध्ये जेवढे तल्लीन होतात तेवढे अभ्यासामध्ये तल्लीन होतील का ? या प्रश्नांचा एका जि.प.शाळेचा मुख्याध्यापक म्हणून विचार करत असतांना एकच प्रभावी उत्तर सापडले. ते उत्तर म्हणजे त्याचा रोजचा अभ्यासच त्याला Touch Screen वर Games, Activities आणि कार्टुन्सच्या स्वरूपात उपलब्ध करून दिला तर हे शक्य आहे. 

आज इंग्रजी व मराठीतून विद्यार्थ्यांसाठी अनेक Apps उपलब्ध आहेत. तसेच संपूर्ण अभ्यासक्रमही सॉफ्टवेअरच्या रूपाने उपलब्ध आहे. तसेच Activity Based E-Books सुध्दा उपलब्ध आहेत. या सर्वाचा कल्पकतेने वापर करून विद्यार्थ्यांना अभ्यासाकडे आकर्षित करता येऊ शकते. त्यासाठी गरज आहे फक्त एका साधनाची. ते साधन म्हणजे I-Pad. आयपॅड हे असे साधन आहे की, त्यात विद्यार्थ्यांना आवश्यक असणाऱ्या अभ्यासाच्या सर्व Apps व Softwares सोबतच इतर सामान्यज्ञान व मनोरंजनाचे साहित्यही सहज उपलब्ध करून देता येऊ शकते. शिवाय कॉम्प्युटर आणि लॅपटॉप या सारख्या महागड्या साधनांपेक्षा त्याची किंमतही बरीच कमी आहे. विशेष म्हणजे विद्यार्थ्यांचे दप्तराचे ओझेही कमी करणे शक्य होईल.

वरील सर्व बाबींचा विचार करता विद्यार्थ्यांना अभ्यासाकडे आकर्षित करण्याकरीता आयपॅड अतिशय उपयोगी ठरेल. परंतु, अडचणीचा भाग आहे तो म्हणजे आयपॅडसाठी आमच्या सारख्या गरीब शाळांनी निधी कसा उभा करावा ? एका शाळेकरीता 8 ते 10 आयपॅड पुरेसे होतील. कारण गटाने त्याचा वापर केल्यास विद्यार्थी-विद्यार्थी आंतरक्रिया चांगली होईल. 8 आयपॅडसाठी साधारणत: 48000/- ते 56000/- इतका खर्च येऊ शकतो. त्यासाठी गावातील काही दानशूर व्यक्ती किंवा संस्था पुढे आल्यास माझे Digital School चे स्वप्न पूर्ण होण्यास काही वेळ लागणार नाही. 

माझा हा बऱ्याच प्रमाणात लांबलेला लेख वाचणारे कुणी शिक्षक असतील, कुणी अधिकारी असतील, सामाजिक कार्यकर्ते, नेते, पालक, व्यावसायिक, अन्य क्षेत्रातील नोकरदार किंवा बेरोजगार तरूणही असतील. आपण ठरवले तर आपापल्या परीने आपण आमच्या शाळांना याकामी मदत करू शकता. कसे ते आपणच ठरवा. 

ता.क.
चांगली असो वा वाईट आपली Comment (प्रतिक्रीया) जरूर कळवा.
धन्यवाद.