Tuesday 13 September 2016

लोकसहभागातून शाळासिद्धीच्या दिशेने पहिले पाऊल

ग्रामीण आदिवासी भागातील जिल्हा परिषदेच्या शाळेला लोकसहभाग मिळविणे म्हणजे एक दिव्यच म्हणावे लागेल. पण एकदा गावाचा विश्वास संपादन केला की हेच दिव्य अगदी सहज शक्य होतानाही आपण अनुभवलेले आहे. 
शाळेला ई-लर्निंगसाठी एक संगणक संच असावा यासाठी गेल्या महिनाभरापासून प्रयत्न सुरु होता. त्या प्रयत्नाला यश आले. मा.आमदार ताई यांच्या निधीतून एक संगणक मंजूर केला. रोटरी क्लबकडून  ई-लर्निंग संच लवकरच प्राप्त होणार आहे. माझ्या शाळेला दैनंदिन परिपाठ व इतर प्रासंगिक कार्यक्रमासाठी एका चांगल्या साऊंड सिस्टिमची आवश्यकता होती. तसेच आता शाळा डिजीटल होणार आणि गावात १०-१२ तास लोड-शेडींग असणार. मग त्या ई-लर्निंग आणि डिजीटलला काय अर्थ असणार ? म्हणून त्यावर उपाय शोधणे गरजेचे होते. एखादा Power Inverter उपलब्ध झाला तर ? पण सध्या यासाठी शाळेकडे एक पैसाही उपलब्ध नाही. मग हे कसे शक्य होईल ? अनेक वेळा हाच विषय आणि हीच चिंता मी गावचे शाळा व्यवस्थापन समिती, सरपंच, उपसरपंच आणि ग्रामस्थांना सांगत राहिलो. त्याचा परिणाम आज शाळेला रुपये ४०,०००/- चा लोकसहभाग मिळाला.  त्यातून शाळासिद्धीच्या दिशेने एक पाऊल टाकणे शक्य झाले.


                     (रु.२५५००/- चा Inverter)







------------------------------------------------------------------------------







(रु.१४५००/- चा portable Rechargeble Sound System)



मार्ग खडतर आहे त्यावर चालणे अवघड आहे पण अशक्य मात्र नक्कीच नाही. याबाबत मी आणि माझे सर्व सहकारी एकमताने काम करत आहोत म्हणून हे शक्य होत आहे. 
सुरुवात तर चांगलीच झाली. अजून खूप काही होवू शकते. त्यासाठी सतत प्रयत्नशील आहे.

श्री.राजेंद्रसिंग मोरकर 
मुख्याध्यापक 
जि.प.प्राथमिक शाळा, उंबरकोन
ता.इगतपुरी, जि,नाशिक

No comments:

Post a Comment

Thanks ! Please visit again.
कृपया आपली प्रतिक्रिया खाली जरूर नोंदवा.