नवीन शाळेतील माझ्यासमोरची आव्हाने

जून 2016 पासून जि.प.प्राथमिक शाळा, उंबरकोन, ता.इगतपुरी, जि.नाशिक या शाळेत बदली झाली. येथे मुख्याध्यापक म्हणून पदभार स्वीकारताना माझ्यासमोर मला काही आव्हाने दिसत होती. इ. 1 ली ते 7 वी पर्यंत वर्ग. एकूण 170 विद्यार्थी. आम्ही 8 शिक्षक. शाळेची गुणवत्ता तशी चांगलीच आहे. मुलं चुणचुणीत आहेत. परंतु भौतिक सुविधांवर मात्र अजून खूप काम करावे लागेल. सर्वांसाठी पुरेशा पाण्याची व्यवस्था, अद्ययावत स्वच्छतागृह, विद्युतीकरण ह्या मूलभूत बाबी पूर्ण करणे हे माझे प्रथम काम आहे. त्यादृष्टीने कार्यवाही सुरु झाली आहे.
त्यानंतर लवकरच शाळा ई-लर्निंग करणे, डिजीटल शाळेचे सर्व निकष पूर्ण करून 'शाळा सिद्धी' च्या दिशेने वाटचाल करणे. हेच ध्येय डोळ्यासमोर ठेवून कामकाज सुरु आहे. आज नाही तर उद्या, पण यश नक्कीच मिळेल यात मलातरी शंका नाही.